Կմեկնարկի «Մաքուր Հայաստան» ծրագիրը

Այսօր կառավարության նիստում, նախքան օրակարգին անցնելը, ՀՀ վարչապետ Կարեն Կարապետյանը հանձնարարական տվեց «Մաքուր Հայաստան» ծրագրի մեկնարկի վերաբերյալ:

«Համակարծիք կլինեք, որ թե' մեր համաքաղաքացիների, թե' զբոսաշրջիկների համար Հայաստանը գրավիչ և համարավետ դարձնելու համար պետք է ապահովել մեր քաղաքների ու գյուղերի, այգիների ու ճանապարհների մաքրությունը: Այդ նպատակով մենք սկսում ենք «Մաքուր Հայաստան» ծրագիրը»,- ասաց նա:

Վարչապետը հանձնարարեց ՀՀ տարածքային կառավարման և զարգացման նախարարին` երկու ամսվա ընթացքում մշակել «Մաքուր Հայաստան» ծրագրի հայեցակարգը, հստակ սահմանել ծրագրի ժամանակացույցն ու գործողությունների ծրագիրը, յուրաքանչյուր սուբյեկտի պատասխանատվության մասը, որից հետո ծրագիրը ներկայացնել հանրային քննարկման: