Ուկրաինան և Ադրբեջանը պայմանավորվել են չթույլատրել ԼՂ-ում և Դոնբասում արտադրված ապրանքների ներմուծումը

Ուկրաինան և Ադրբեջանը պայմանավորվել են չթույլատրել Բաքվի և Կիևի կողմից չվերահսկվող տարածքներում արտադրված ապրանքների ներմուծումը. Интерфакс-ին հայտնել է Ադրբեջանում Ուկրաինայի դեսպան Ալեքսանդր Միշչենկոն:

«Պյոտր Պորոշենկոյի` Բաքու այցի ժամանակ երկու պետությունների ղեկավարները հանձնարարեցին Ուկրաինայի և Ադրբեջանի մաքսային կառույցների ղեկավարներին` հանդիպել և քննարկել այդ հարցը: Մաքսային կառույցների ղեկավարները հանդիպել և մշակել են մեխանիզմներ, որոնց համաձայն` այդ տարածքներից ապրանքը կարող է ներմուծվել այն դեպքում, եթե արտոնագրված են  կենտրոնական իշխանությունների` Կիևի և Բաքվի կողմից»,- ասել է նա:

Դեսպանի խոսքով` Լեռնային Ղարաբաղում արտադրված ապրանքները կարող են հատել Ուկրաինայի սահմանը միայն այն դեպքում, եթե կա Բաքվի թույլտվությունը: Նմանատիպ սխեմա է գործում Ադրբեջանում` Դոնբասում արտադրված ապրանքների դեպքում:

Հիշեցնենք նաև, որ Ուկրաինան պատրաստվում է զենք գնել Ադրբեջանից: