Իրանը նավթի արդյունաբերության ամենօրյա չափաբաժինը կհասցնի 4 մլն բարելի

2017-ի մարտի 20-ի դրությամբ Իրանը նավթի արդյունաբերության ամենօրյա չափաբաժինը կհասցնի 4 մլն բարելի: Այս մասին ասել է Իրանի ազգային նավթային ընկերության ղեկավար Ալի Քարդորը, փոխանցում է SHANA-ն:

Միաժամանակ ՕՊԵԿ համաձայնագիրը Թեհրանին պարտադրում է չգերազանցել 3.79 մլն բարելի սահմանը:

Պաշտոնյան վստահություն է հայտնել, որ մինչեւ տարեվերջ նավթի արտահանումը կհասնի օրական 3 մլն բարելի: Նրա խոսքով՝ 2016-ի դեկտեմբերին Իրանը Եվրոպա է արտահանել ռեկորդային քանակությամբ նավթ՝ 0.9 մլն բարել օրական, հայտնում է ՏԱՍՍ-ը:

Հիշեցնենք, որ 2016-ի նոյեմբերի վերջին ՕՊԵԿ անդամները Վիեննայում որոշում կայացրին նավթի արդյունահանումը կրճատել մինչեւ օրական 32.5 մլն բարելի: