Հույսեր միշտ պետք է կապել. Արտեմ Ասատրյանը՝ երիտասարդ փոխնախարարի նշանակման մասին

Շուտով աշխատանքի և սոցիալական հարցերի նախարարությունը նոր, երիտասարդ փոխնախարար կունենա`  28-ամյա Աշոտ Մարգարյանը` ՀՀ վարչապետի օգնականներից մեկը, ով եղել է նաև ԼՂՀ վարչապետի օգնական: Այսօր լրագրողների հետ զրույցում ՀՀ աշխատանքի և սոցիալական հարցերի նախարար Արտեմ Ասատրյանը, մեկնաբանելով նոր նշանակումը, ասաց. «Սերնդափոխությունը պետական համակարգում նորմալ պրոցես է, առողջ գործընթաց, որը պետք է շարունակական լինի»:

Հարցին, թե ի՞նչ հույսեր պետք է կապենք երիտասարդ փոխնախարարի հետ, Արտեմ Ասատրյանը կարճ պատասխանեց. «Հույսեր միշտ պետք է կապել»:

Իսկ թե կոնկրետ ի՞նչ խնդիրներ են դրվելու նոր փոխնախարարի առջև, նախարարը խուսափեց պատասխանել` ասելով, որ երբ կլինի համապատասխան որոշումը, այդ ժամանակ էլ կասվի, թե ինչ խնդիրներ են դրվելու նրա առջև: