Անհայտ անձը փորձել է ավտոբուսով Բեռլինից Վիեննա 35 կգ մարիխուանա տեղափոխել

Անհայտ տղամարդը փորձել է Բեռլինից Վիեննա ավտոբուսով 35 կգ մարիխուանա տեղափոխել, հայտնում է Բեռլինի ոստիկանությունը, փոխանցում է «ՌԻԱ Նովոստին»։

Մարիխուանան հայտնաբերել են Բեռլինի կենտրոնական ավտոկայանում։ Տղամարդը Դրեզդենով Վիեննա ուղեւորվող ավտոբուսում որպես ուղեբեռ հանձնել է երկու ճամպրուկ ու տեղավորվել ավտոբուսում։ Ճամպրուկները տեղադրելիս՝ ավտոբուսի վարորդը ուժեղ հոտ է զգացել, իսկ ուղեբեռի տերը, նկատելով դա, դուրս է ցատկել ավտոբուսից ու փորձել տաքսի նստել։ Ավտոբուսային ֆիրմայի աշխատակիցները արագ են արձագանքել,միանգամից զանգահարել են ոստիկանություն ու իրավիճակը բացատրել տաքսիստին, որից հետո կասկածյալը փախուստի է դիմել։

Իրավապահները փնտրում են նրան։ Որպես հոտի «արգելափակիչ»՝ նա օգտագործել էր սուրճ, այն լցնելով ճամպրուկի մեջ, մարիխուանայով փաթեթների արանքում։