Քարդաշյանի մայրը շնորհավորել է Գլեդիս Բերեջիքլյանին վարչապետ ընտրվելու առիթով. տեսանյութ

Տեղեկացրել ենք, որ Ավստրալիայի Նոր Հարավային Ուելս նահանգի վարչապետ է ընտրվել ՀՅԴ Ավստրալիայի Հայ Դատի հանձնախմբի անդամ Գլեդիս Բերեջիքլյանը՝ փոխարինելով Մայք Բերդին:

«Հայկական լուրեր՝ Ավստրալիայից» ֆեյսբուքյան էջից տեղեկանում ենք, որ նորընտիր վարչապետը հյուրընկալվել է «Kyle and Jackie O» հաղորդմանը, որի ընթացքում նրան շնորհավորական մեսիջ է հղել ամերիկահայ հայտնի հեռուստաաստղ Քիմ Քարդաշյանի մայրը՝ Քրիս Ջեները:

Քարդաշյանների ներկայացուցչի կողմից ներկայացված ձայնագրության մեջ Քրիս Ջեներն ասում է. «Հայ կանայք գեղեցիկ են, խելացի և ծանրակշիռ, և ես վստահ եմ, որ նա շատ արագ և լավ որոշումներ կկայացնի: Խնդրում եմ նրան փոխանցեք իմ ողջույնի և շնորհավորանքի խոսքերը»:

Բերեջիքլյանը նախ չի հավատում ձայնագրության իսկությանը՝ մտածելով՝ կատակում են, սակայն հաղորդավարները վստահեցնում են, որ շնորհավորողն իսկապես Քրիս Ջեներն է: