Քլինթոնի դուստրը պաշտպանել է Թրամփի որդուն

Հիլարի Քլինթոնի դուստրը՝ Չելսին, պաշտպանել է ԱՄՆ նախագահ Դոնալդ Թրամփի փոքր որդուն՝ Բերոնին, փոխանցում է Gazeta.ru-ն:

Նա քննադատել է սոցցանցերի օգտատերերին, որոնք «հարձակվել էին» Բերոնի վրա Թրամփի երդմնակալության արարողության ժամանակ պահվածքի համար։

«Բերոն Թրամփը, ինչպես բոլոր երեխաները, արժանի են ուղղակի երեխա լինել», - գրել է Չելսի Քլինթոնը Twitter-ի իր միկրոբլոգում։

Համացանցում շատ օգտատերեր ծաղրել են 10-ամյա Բերոնին, որը հոր երդմնակալության արարողության ժամանակ շատ հոգնած տեսք է ունեցել, հորանջել է, խաղացել փոքր զարմիկի հետ։

Ինչպես հիշեցնում է New York Post-ը, Չելսի Քլինթոնը ևս ծաղրանքի զոհ է դարձել, երբ նրա հայրը նախագահ էր։