Կրեմլում Թրամփից ակնկալիքների առումով լուրջ փոփոխություն կա. Ալեքսեյ Չենսակով

Դոնալդ Թրամփի ընտրության կապակցությամբ սկզբնական հրճվանքը Կրեմլում փոխվել է թերահավատության: Այս մասին գրում է Bloomberg-ը՝ վկայակոչելով  Ռուսաստանի բարձրաստիճան պաշտոնյաներին:

Կրեմլում, համաձայն Bloomberg-ի, արդեն այնքան էլ համոզված չեն, որ Միացյալ Նահանգների հետ հարաբերությունները Թրամփի օրոք հնարավոր կլինի շտկել կարճ ժամանակում։ «Սկզբնական հրճվանքը, թե Սպիտակ տանն է հայտնվել Վլադիմիր Պուտինի կողմնակիցը, Կրեմլում փոխվել է թերահավատության»,- ռուսաստանցձ 4 բարձրաստիճան պաշտոնյաների կարծիքն է վկայակոչում Bloomberg-ը։

«Կրեմլում Թրամփից ակնկալիքների առումով լուրջ փոփոխություն կա»,- Կրեմլին մոտ կանգնած քաղաքագետ Ալեքսեյ Չենսակովի խոսքերն է մեջբերում Bloomberg-ը։ «Ռուսաստանի ղեկավարությունն այժմ հստակ տեսնում է, որ հարաբերությունների վերականգնումը դյուրին գործ չի լինելու»,- ասել է քաղաքագետը: