Հայաստանից հարկավոր չէ Բելառուսի նման դեմարշ սպասել. Газета.ру-ի անդրադարձը

Газета.ру-ն անդրադարձել է երեկ Սանկտ Պետերբուրգում կայացած ԵՏՄ գագաթաժողովին` նշելով, որ երեկ հերթական անգամ ստուգվեց միության ամրությունը:

«Բելառուսի նախագահ Ալեքսանդր Լուկաշենկոն հրապարակայնորեն արհամարհեց գագաթաժողովը: Միության անդամ երկրներից յուրաքանչյուրի մոտ դժգոհություններ են կուտակվել` ինտեգրման մոդելի հետ կապված»,- նշում է պարբերականը:

Հոդվածում ասվում է, որ ամենից քիչ պահանջներ ունի Հայաստանը.  Ռուսաստանի հետ զգալի տնտեսական տարաձայնություններ չկան:

«Հայաստանը ԵՏՄ անդամակցության շնորհիվ ստացավ անվտանգության երաշխիք ԼՂ հակամարտությունում և ստատուս քվոյի պահպանում»,- նման կարծիք է հայտնել փորձագետ Ալեքսեյ Պորտանսկին:

Ըստ նրա` Հայաստանից հարկավոր չէ Բելառուսի նման դեմարշ սպասել, եթե հերթական անգամ չսրվի իրավիճակը Ղարաբաղում: