Սոչիում տեղի կունենա Հայաստանի և Ղրղզստանի նոր ղեկավարների հետ ծանոթությունը. Независимая газета-ի անդրադարձը

Սոչիում այսօր կայանալու է ԵԱՏՄ անդամ պետությունների ղեկավարների գագաթաժողովը՝ ՌԴ նախագահ Վլադիմիր Պուտինի նախագահությամբ: Այլ հարցերից բացի, ԵԱՏՄ ներկայիս  գագաթաժողովը  կարևոր է նաև երկրների ղեկավարների հետ անձնական շփումների տեսանկյունից, առավել ևս, որ Ղրղզստանում և Հայաստանում փոխվել են ոչ միայն այդ երկրների առաջնորդները, այլև քաղաքական համակարգերը: Այդ մասին գրում է Незаивсимая газета-ն։

«Կուսումնասիրվեն այն հայտարարությունները, որոնք Նիկոլ Փաշինյանն արել է մինչ իշխանության գալը և իշխանություն գալուց հետո: Փաշինյանը կփորձի փոխհարաբերություններն այնպես կառուցել, որ հասկանալի լինի, որ Հայաստանի կողմից լուրջ աշխարհաքաղաքական փոփոխություններ, ըստ երևույթին, չեն լինի: Դա կլինի Հայաստանի վարչապետի հիմնական խնդիրը»,-թերթի հետ զրույցում ասել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:

Հիշեցնենք, որ Սոչիում նախատեսված է Պուտին-Փաշինյան հանդիպումը: