Էլիզաբեթ II թագուհին բաց կթողնի սուրբծննդյան պատարագը

Մեծ Բրիտանիայի թագուհի Էլիզաբեթ Երկրորդը ներկա չի գտնվի Նորֆոլկ կոմսության Սենդրինգեմ կալվածքի եկեղեցում անցկացվելիք սուրբծննդյան պատարագին, քանի որ դեռ ապաքինվում է մրսածությունից հետո:

Այս մասին հայտնում է BBC-ն` նշելով, որ Սենդրինգեմում սուրբծննդյան տոնակատարությանն, ավանդաբար, հավաքվում է ողջ թագավորական ընտանիքը:

Մրսածության պատճառով միապետական զույգը ստիպված է եղել մի քանի օրով հետաձգել իրենց ուղևորությունը Սենդրկգեմի կալվածք, որը տեղակայված է Անգլիայի արևելքում:

Այս շաբաթ ավելի վաղ Բուքինգեմյան պալատը հայտարարել էր, որ Էլզաբեթ II-ը դադարեցնում է 25 ազգային կազմակերպությունների հովանավորչությունը, այդ թվում` մարզական ասոցիացիաների: Հաջորդ տարի այդ կազմակերպությունները կսկսեն հովանավորել թագավորական ընտանիքի մյուս անդամները: