Ծանր, դժվար ծնված փաստաթուղթ. ԵՏՄ մաքսային օրենսգրքի նախագիծը հաստատվեց

Կառավարությունն այսօրվա նիստում հաստատվեց  Եվրասիական տնտեսական միության Մաքսային օրենսգրքի մասին պայմանագրի նախագիծը:

ՊԵԿ  նախագահ Վարդան Հարությունյանը նշեց, որ  այս պայմանագիրը գերակա է մաքսային իրավահարաբերությունները կարգավորող՝ Եվրասիական տնտեսական միության իրավունքի մաս կազմող այլ միջազգային պայմանագրերի նկատմամբ, բացառությամբ «Եվրասիական տնտեսական միության մասին» 2014 թվականի մայիսի 29-ի պայմանագրի:

Վարչապետ Կարեն Կարապետյանն արձագանքեց, որ օրենսգիրքը պետք է առավելագույնս համապատասխանեցնել գործող օրենքներին: «Ծանր ու դժվար ծնված փաստաթուղթ է: Պետք է մաքսիմալ ադապտացնել մեր գործող օրենքներին»,- ասաց նա: