ՀՀ և ՌԴ կառավարությունների միջև գազի գնի վերաբերյալ որոշման նախագիծը հաստատվեց

Կառավարության այսօրվա նիստում հաստատվեց  ՀՀ և ՌԴ կառավարությունների միջև կնքվող երկու արձանագրությունների մասին որոշման նախագիծը։ ՀՀ էներգետիկայի ու բնական պաշարների նախարար Երվանդ Զախարյանը հայտարարեց, որ  դրանցից մեկը վերաբերում է 2015թ-ի սահմանված գազի գնին, այն է՝ 165 դոլար 1000 խմ–ի դիմաց, իսկ երկրորդ արձանագրությամբ հանձնարարվում է իրավասու մարմիններին նախապատրաստել ֆինանսական հաշվարկի ու հաշվառման մոդել մինչև նոյեմբերի 1-ը` հետագա կիրարկման համար:

Վարչապետ Հովիկ Աբրահամյանը հետաքրքրվեց` աշխատանքային խումբ ստեղծվե՞լ է արդյոք: Երվանդ Զախարյանը պատասխանեց, որ խումբը ստեղծվել է ու ներկայումս շարունակվում են աշխատանքները, որի արդյունքը կներկայացվի Ազգային ժողովի հաստատմանը։