Արդիական է դառնում Գյումրիում ռուս-հայկական արդյունաբերական համալիրի ստեղծման նախագիծը. Վիգեն Սարգսյան

ՀՀ պաշտպանության նախարար Վիգեն Սարգսյանը հարցազրույց է տվել ռուսական Лентa.ру-ին, որի շրջանակում խոսել է նաև ռազմական ոլորտում ռուս-հայկական հարաբերություննեի զարգացման մասին:

«Իմ կարծիքով` արդիական է դառնում Գյումրիում ռուս-հայկական արդյունաբերական համալիրի ստեղծման նախագիծը: Այն կարող է հարթակ դառնալ Ռուսաստանին և Հայաստանին սահմանակից Իրանի հետ գործնական, ռազմատեխնիկական համագործակցության ստեղծման համար, ինչը հնարավորություն կտա ՌԴ-ին դուրս գալու սահմանակից պետությունների սպառազինության շուկա: Դրանից բացի` Գյումրիում նոր աշխատատեղերի ստեղծումը կբարելավի քաղաքի ժողովրդագրական վիճակը և կամրապնդի սոցիալական կապերը տեղի բնակիչների ու ռուսական ռազմաբազայի զինվորների միջև»,- ասել է նախարարը: