Նա է ջրի բիզնես անում, ես չունեմ. սպորտի նախարարը՝ Ռուբեն Հայրապետյանի հետ հարաբերությունների մասին

Սպորտի և երիտասարդության հարցերի նախարար Հրաչյա Ռոստոմյանն այսօր տեղի ունեցած մամուլի ասուլիսի ընթացքում պատասխանելով հարցին, թե ի՞նչն է պատճառը, որ մի առվով չեն հոսում ջրերը ՀՖՖ նախագահ Ռուբեն Հայրապետյանի հետ, պատասխանեց. «Ջրեր չունենք, որ մի առվով գնա: Նա է ջրի բիզնես անում, իսկ ես չունեմ: Իմ որևէ խոսք չի փոխվում: Ես իմ իրավունքները լավ գիտեմ, այն ինչ ասել եմ ֆուտբոլի ֆեդերացիայի վերաբերյալ, հիմա էլ եմ ասում: Ես Հայրապետյանի հետ հանդիպում չեմ ունեցել, բայց եթե նա կցանկանա, ապա ինձ համար դժվար չէ, բայց ես ցանկություն չունեմ:

Yerkir.am-ի հարցին, թե արդյոք արդեն սկսվել է նոր մասնագետներ հրավիրելու գործընթացը, Ռոստոմյանը նշեց. «Գործընթացը շարունակվում է, և ավելի ցայտուն նորություններ լինելու դեպքում բոլորդ կտեղեկանաք»: