Խիստ ռեժիմով ենք գործելու. Արծվիկ Մինասյան

Բնապահպանության նախարար Արծվիկ Մինասյանն այսօր լրագրողների հետ զրույցում անդրադարձավ խեցգետնի ու ձկան որսի արգելիքին` ասելով, որ այն արգելված է այսօրվանից մինչև  դեկտեմբերի 25-ը:

«Սա այն արգելքի շրջանն է, երբ իսկապես կարևոր է, որ ձկան բնականոն վերարտադրություն ապահովվի: Եթե մեզ հաջողվի պահել այս արգելքը,  մենք, ամենայն հավանականությամբ, կունենանք արդյունագործական ձկնորսությանը շատ մոտ վիճակ»,- ասաց նախարարը` հավելելով, որ դա նշանակում է, որ Սևանա լճում հաջորդ տարի արդեն կկարողանան ներդնել կառավարելի ձկնորսության նոր հայեցակարգ՝ ապահովելով հատկապես Սևանի  սիգի արդյունավետ աճ:

Մինասյանն ընդգծեց, որ խիստ ռեժիմով են գործելու: Նրա խոսքով` բացի ձկնատեսակների պահպանումից, Սևանը շատ այլ խնդիրներ էլ ունի՝ սկսած կառավարման արդյունավետ համակարգից, վերջացրած Սևանը որպես տնտեսական լուրջ գոտի դիտարկելու հնարավորությունը:

«Մենք փորձելու ենք բնական քաղցրահամ ջրի խոշորագույն պաշարի պահպանումը զուգակցել նաև արդյունավետ բնապահպանական-տնտեսական զարգացման ծրագրերի հետ»,- ասաց  նախարարը: