Երևում է` ամբողջ գիշեր աշխատել եք, տրիլիոնը միլիարդի հետ եք խառնում. վարչապետը` Արամյանին

Այսօր կառավարության նիստում ֆինանսների նախարար Վարդան Արամյանը ներկայացնում էր 2017 թվականի պետական բյուջեի նախագծի ցուցանիշներում փոփոխությունների հարցը`  Ազգային ժողովի մշտական հանձնաժողովներում և լիագումար նիստում 2017 թվականի պետական բյուջեի նախագծի քննարկման արդյունքներով Ազգային ժողովի մշտական հանձնաժողովների, պատգամավորական խմբերի, խմբակցությունների և անհատ պատգամավորների կողմից կառավարություն ներկայացված առաջարկությունների հիման վրա:

Վարչապետ Կարեն Կարապետյանը, դիմելով նրան, ասաց. «Երևում է` ամբողջ գիշեր աշխատել եք, պարո'ն Արամյան, որովհետև տրիլիոնը միլիարդի հետ եք խառնում, միլիարդը` միլիոնի»:

Նախարարն էլ պատասխանեց, որ գիշերը ժամը 3-ին են տուն գնացել: