Քրեական դատավարության օրենսգրքում փոփոխություններ կատարելու նախագիծն ընդունվեց

Այս պահին խորհրդարանում ընթանում է արտահերթ նիստ, որի ընթացքում քվերակության դրվեց կառավարության կողմից ներկայացված ՀՀ Քրեական դատավարության օրենսգրքում փոփոխություններ և լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը:

Մինչ քվերակությունը, վարման կարգով ելույթ ունեցավ ՀԱԿ խմբակցության պատգամավոր Գագիկ Ջհանգիրյանը, ում կարծիքով՝ եթե մենք քննիչին իրավունք ենք տալիս բողոքարկել դատախազի որոշումները, նա կորցնում է անկողմնակալությունը և դառնում է կողմ, շահագրգռված անձ, հետևաբար, բացարկի ենթակա: Ըստ պատգամավորի՝ շատ հավանական է, որ նրա չարչարանքներն ամիսներ հետո ճանաչվեն ապարդյուն:

«Պետք չէ նման քվերակություն անել, սա կոնցեպտուալ սխալ է»,- ասաց Ջհանգիրյանը, ում ասածին ի պատասխան ԱԺ փոխխոսնակ Էդուրադ Շարմազանովը նշեց՝ ամեն մեկն իր խղճին համարժեք կքվեարկի: Որոշումը 63 կողմ, 16՝ դեմ, 11՝ ձեռնպահ ձայների հարաբերակցությամբ ընդունվեց: