Խոսում ենք բոլորովին հիվանդ մարդու մասին. Ասադը՝ Էրդողանի մասին

Թուրքական զորքը, մտնելով Սիրիա, խախտեց սահմանը. նման հայտարարություն է արել Սիրիայի նախագահ Բաշար ալ Ասադը Պորտուգալիայի RTP հեռուստաալիքի հետ զրույցում:

Ըստ Cumhuriyet-ի՝ նա նշել է, որ Սիրիայում տիրող իրավիճակը սպառնալիք է նաև ամբողջ աշխարհի համար, նաև ընդգծել է Ռուսաստանի և Իրանի աջակցության կարևորությունը:

Սիրիայի նախագահն իր զրույցում անդրադարձել է նաև «Եփրատի վահան» գործողությանը՝ սուր քննադատելով Թուրքիայի նախագահ Էրդողանին:  «Խոսում ենք բոլորովին հիվանդ մարդու մասին: Նա ապրում է օսմանյան շրջանով, ոչ թե` ներկայով»,-հայտարարել է Ասադը:

Նրա խոսքով՝ Սիրիայում ահաբեկիչների դեմ պայքարել` նշանակում է «Էրդողանի բանակի դեմ պայքարել»: «Ոչ թե թուրքական, այլ Էրդողանի բանակ: Ես այդպես եմ ասում»,- նշել է Ասադը: