Մոսկվա-Երևան վթարված ավտոբուսի երկրորդ վարորդը տեղափոխվել է Հայաստան

Մոսկվա-Երևան ավտոբուսի վթարի հետևանքով տուժած Հայաստանի չորս քաղաքացիներից մեկը երեկ ՌԴ Վլադիկավկազ քաղաքի շտապօգնության կլինիկական հիվանդանոցից տեղափոխվել է Հայաստան։

Yerkir.am-ին ՀՀ առողջապահության նախարարությունից տեղեկացրին, որ տղամարդը ՌԴ-ում տղամարդը ստացել էր համապատասխան բուժում, անցել անհրաժեշտ հետազոտությունները: Երևան տեղափոխվելուն պես նրան շտապօգնության մեքենայով տեղափոխել են Ս.Մալայանի անվան ակնաբուժական կլինիկա:

Մալայանի կլինիկայից հայտնեցին, որ հիվանդին հետազոտել են, և պարզվել է` որևէ լուրջ վնասվածք չունի: «Նրան խորհրդատվություն են տրամադրել, անհրաժեշտ ցուցումներն արել ու դուրս գրել»,- ասացին կլինիկայից:

Yerkir.am-ի տեղեկություններով` տուժածն ավտոբուսի երկրորդ վարորդն էր: