Վանաձորում մահացած ծննդկանը երեխա չուներ, առաջին ծննդաբերությունն էր. մանրամասներ

Տեղեկացրել էինք, որ օրեր առաջ Վանաձորի ծննդատանը ծննդկան է մահացել: Հոկտեմբերի 17-ին` ժամը 18:40-ի սահմաններում, Վանաձորի բժշկական կենտրոնի մանկաբարձագինեկոլոգիական բաժանմունքում ծննդաբերած` Վանաձորի 32-ամյա բնակչուհի Հռիփսիմե Նազլուխանյանը ժամեր անց մահացել է:

Գուգարքի գյուղապետ Աշոտ Աշուղյանը yerkir.am-ի հետ զրույցում նշեց, որ կինը երեխա չուներ` առաջին ծննդաբերությունն էր:

«Նորմալ ընտանիք էր, աշխատում-ապրում էին: Ամուսնացել, սպասում էին առաջնեկին: Ծննդաբերել էր, երեխան նորմալ քաշով-հասակով է ծնվել: Հետո կինն սկսել է արյունահոսել… Ընտանիքը շոկի մեջ է: Այնպես չէ, որ բժիշկներին չեն մեղադրում եղածի մեջ, ուղղակի դեռ սգի մեջ են, ուշքն ու մտքներն էդ չէ»,- ասաց գյուղապետը: