Պետք չէ ժամանակից առաջ ընկնել. Վաղարշակ Հարությունյանը՝ ՀԱՊԿ քարտուղարի պաշտոնում նշանակվելու մասին

Վաղը Երևանում կմեկնարկի ՀԱՊԿ խորհրդի հերթական նիստը: Այս անգամ նախագահող երկիրը Հայաստանն է: Նիստին մասնակցելու նպատակով Երևան է ժամանելու նաև ՌԴ նախագահ Վլադիմիր Պուտինը:

Նիստի ընթացքում էլ տեղի է ունենալու ՀԱՊԿ քարտուղարի նշանակումը: Նշենք, որ այդ պաշտոնի հավակնորդներից են ՀՀ ԶՈւ գլխավոր շտաբի նախկին պետ, այժմ արդեն անվտանգության խորհրդի քարտուղար Յուրի Խաչատուրովը, ինչպես նաև պաշտպանության նախկին նախարար Վաղարշակ Հարությունյանը:

Հարությունյանը Yerkir.am-ի հետ զրույցում չցանկացավ խոսել իր՝ հնարավոր նշանակման մասին: Հարցին, թե ստացե՞լ է, արդյոք, ՀԱՊԿ քարտուղարի պաշտոնը զբաղեցնելու առաջարկ, կամ որևէ մեկի հետ քննարկում եղե՞լ է այդ հարցի շուրջ, նա պատասխանեց, որ պետք չէ ժամանակից առաջ ընկնել: «Ժամանակից առաջ ընկնել պետք չէ, ինձ զրկում եք խոսքի ազատության իրավունքից: Ամեն ինչի մասին կխոսենք հետո: Վստահ եմ, որ առաջիկայում շատ հարցեր են առաջանալու»,- ասաց Հարությունյանը: