Չէ, չէ, չէ... վարչապետը սարսափում է մանրամասն զեկույցներից

Այսօր կառավարության նիստում վարչապետ Կարեն Կարապետյանը մի քանի նախարարների, որոնք մանրամասն էին զեկուցում, խնդրեց հակիրճ լինել, միայն ներկայացնել փոփոխությունը և թե ինչ է առաջարկվում: Հատկապես ֆինանսների նախարարի ծավալուն հարցի ժամանակ վարչապետը մի քանի անգամ խնդրեց միայն գլխավոր թեզերը շարադրել: Երբ նախարարը սկսեց զեկուցել բյուջեի մասին, ասաց, որ կփորձի հակիրճ ներկայացնել: Կարեն Կարապետյանը արձագանքեց, որ բյուջեի հետ կապված հարցերը կարևոր են և կարող է հակիրճ չլինել: «Ուրեմն ես կներկայացնեմ մանրամասն»,- ասաց Վարդան Արամյանը: «Չէ, չէ, չէ»,- զղջաց վարչապետը, ով չի սիրում երկար-բարակ զեկույցներ: