Ձեր երազած ոլորտը սարքելու հնարավորություն ունեք. Կարեն Կարապետյանը ներկայացրեց նորանշանակ նախարարներին

Այսօր կառավարության նիստում, նախքան օրակարգին անցնելը, վարչապետ Կարեն Կարապետյանը նախ շնորհավորեց նորանշանակ նախարարներին:

«Վարդան Արամյանը ֆինանսական աշխարհում հայտնի անձնավորություն է, նրան հարկ չկա ներկայացնելու, և կարծում եմ` նա իր առջև դրված խնդիրները շատ լավ գիտի»,- ասաց վարչապետը:

Այնուհետև ներկայացրեց մյուս երեք նախարարներին`  նշելով, թե ինչ չափանիշներով են նրանք ընտրվել` որպես նախարար:

«Երեքն էլ այդ ոլորտների կառավարիչներ են, բավական լավ են դրսևորել իրենց, համեստ են ու պարկեշտ, կառավարման համակարգի լավ հատկանիշների կրողներ են: Մեծ ակնկալիքներ ունենք, որ նրանք կվերանայեն այդ ոլորտների կառավարումը, կներկայացնեն ծրագիր, թե ոնց են պատկերացնում իրենց ոլորտների զարգացումը: Քննարկում ենք նաև հայտանիշների հարցը, որոնցով կգնահատվեն նախարարների աշխատանքները, կարևոր կլինի ներդրումների ներգրավման հայտանիշը: Ձեզանից ակնկալում եմ շատ համարձակ քայլեր, ռեալ համարձակ քայլեր: Ունեք հնարավորություն ձեր երազած ոլորտը սարքելու, երկիր զարգացնելու ու մթնոլորտ փոխելու»,- ասաց վարչապետը: