Ձեզ` բարի տրամադրություն. Կարեն Կարապետյանը՝ անտրամադիր նախարարներին

Այսօր` կառավարության նիստի ավարտից հետո, վարչապետ Կարեն Կարապետյանն անդրադարձավ նիստի սկզբում իր կողմից հնչեցված հանձնարարականին: Հիշեցնենք, որ նա հանձնարարեց ՀԾԿՀ-ին, էներգետիկայի, աշխատանքի և սոցիալական հարցերի նախարարություններին` համատեղ քննարկել և ներկայացնել առաջարկություններ գազի ու էլեկտրաէներգիայի սակագների վերանայման կապակցությամբ:

Վարչապետը դիմեց ՀԾԿՀ նախագահ Ռոբերտ Նազարյանին: «Պարո\'ն Նազարյան, որքա՞ն ժամանակ է հարկավոր, որ քննարկեք ու տարբերակ առաջարկեք»,- հարցրեց նա:

Ռոբերտ Նազարյանը պատասխանեց, որ հարկավոր է քննարկել որոշ սկզբունքներ, որից հետո նոր կարող է հստակ ժամանակ ասել, որովհետև կան քննարկման ենթակա խնդիրներ, որ սխալ ուղղությամբ չգնան:

«Հիմա հարմա՞ր է, թե՞ անձնակազմով պետք է գաք»,- հարցրեց վարչապետը:

Նազարյանը պատասխանեց, որ հարմար է, բայց էներգետիկայի նախարարն էլ պետք է մասնակցի:

Վերջում Կարեն Կարապետյանը բոլորին մաղթեց. «Ձեզ` բոլորիդ, բարի տրամադրություն»: