«Ժառանգություն» խմբակցությունը ներկայացնում եմ միայն ես, մնացածները վարչախմբի անդամ են. Փոստանջյան

Այսօր խորհրդարանական ճեպազրույցներում «Ժառանգություն» խմբակցության ղեկավար Զարուհի Փոստանջյանին հարցրեցին, թե ինչպե՞ս կբացատրի այն հանգամանքը, որ «Ժառանգություն» խմբակցության որոշ պատգամավորներ կողմ են քվեարկել գլխավոր դատախազի թեկնածու Արթուր Դավթյանի օգտին, և ինչպե՞ս կբացատրի այն հանգամանքը, որ «Ժառանգությունը» այդպես էլ որոշեց չմասնակցել ՏԻՄ ընտրություններին:

Զարուհի Փոստանջյանը նշեց, որ իրավապահների կողմից սահմանափակումները շարունակվում են «Ժառանգություն» խմբակցության անդամների նկատմամբ, ահա, թե ինչու են որոշել չմասնակցել ՏԻՄ ընտրություններին:

Ինչ վերաբերում է որևէ ուժի սատարելուն, նա ասաց, որ որևէ կուսակցության չեն սատարում, որովհետև նման առաջարկ էլ չկա:

«Ինչ վերաբերում է խմբակցությանը, ապա «Ժառանգություն» խմբակցությունը ներկայացնում եմ միայն ես, խմբակցության այլ անդամներ այլևս չկան, որովհետև նրանք բոլորը, ըստ էության, այս վարչախմբի ներկայացուցիչներ են: Նրանք իրենց քվեարկություններով ապացուցել են, որ հավանություն են տալիս վարչախմբի ու կրեմլյան որոշումներին»,- ասաց Փոստանջյանը: