Մենք էլ ենք գնացողների ցուցակում. նախարարների պաշտոնակատարները մտահոգված են

Կառավարություն-Ազգային ժողով հարցուպատասխանին այսօր միասին խորհրդարան եկան գյուղատնտեսության և քաղաքաշինության նախարարների պաշտոնակատարներ Սերգո Կարապետյանը և Նարեկ Սարգսյանը:

Լրագրողների հետ զրույցում գյուղատնտեսութան նախարարի պաշտոնակատարը հայտարարեց, որ կոռեկտ չի համարում իր պաշտոնանկության մասին լուրը մեկնաբանելը: Կարապետյանը հորդորեց այդ հարցերն ուղղել նրան, ով նշանակում և ազատում է նախարարներին: Նա նշեց նաև, որ իր պաշտոնանկության մասին լուրերին մամուլից է տեղեկանում և այդ թեմայով որևէ մեկի հետ քննարկում չի անցկացրել:

Ի դեպ, լրագրողներին լսելի դարձավ նախարարների զրույցը, որը վերաբերում էր հենց իրենց պաշտոնանկություններին: «Մենք էլ ենք գնացողների ցուցակում»,- ասաց Սարգսյանը Կարապետյանին: