Հայ բռնցքամարտիկները Ուկրաինայում մասնակցում են միջազգային մրցաշարի

Ուկրաինայի Բերդիչև քաղաքում երեկ մեկնարկել է բռնցքամարտի` Կլիչկո եղբայրների անվան երիտասարդների միջազգային մրցաշարը: Հայաստանի երիտասարդների հավաքականի ավագ մարզիչ Վազգեն Բադալյանի գլխավորությամբ` Ուկրաինա է մեկնել Հայաստանի 8 ներկայացուցիչ: 

Երեկ ռինգ դուրս եկած մեր բռնցքամարտիկներից պարտություն են կրել 56 կգ քաշային Վահե Բադալյանը և 64 կգ Կորյուն Աստոյանը: 60 կգ քաշային Նարեկ Հովհաննիսյանը, 64 կգ քաշային Տոնի Գալստայանը և 69 կգ քաշայիններ Համբարձում Հակոբյանն ու Գուրգեն Մադոյանը հաղթանակ են տարել և դուրս եկել քառորդ եզրափակիչ: Այս մասին հայտնում է Հայաստանի բռնցքամարտի ֆեդերացիայի մամուլի ծառայությունը:

52 կգ Ժիրայր Սարգսյանն ու +91 կգ քաշային Գուրգեն Հովհաննիսյանը դեռ չեն սկսել պայքարը: