Դեռ գիտակցության չի եկել. հուլիսյան դեպքերից տուժած ոստիկանի վիճակը ծայրահեղ ծանր է

Հուլիսյան իրադարձություններից հետո այս պահին հիվանդանոցում ստացիոնար բուժում է ստանում 4 տուժած:

Yerkir.am-ի հետ զրույցում ՀՀ ԱՆ մամուլի խոսնակ Անահիտ Հայթայանը հայտնեց, որ տուժածներից ծայրահեղ ծանր է մեկի` ոստիկանի առողջական վիճակը: Ոստիկան Գագիկ Մկրտչյանը այս պահին բուժում է ստանում «Աստղիկ» բժշկական կենտրոնում: «Նա վերակենդանացման բաժանմունքում է, դեռևս գիտակցության չի եկել և շնչում է արհեստական շնչառության սարքի միջոցով: Երեկ, ՀՀ գլխավոր վիրաբույժ Հովհաննես Սարուխանյանի գլխավորությամբ, կոնսիլիում էր հրավիրվել նրա հետագա բուժման հետ կապված հարցերը քննարկելու նպատակով: Վիրաբույժները եկել են այն եզրակացության, որ այս պահին վիրահատական միջամտության անհրաժեշտություն չկա»,- ասաց Հայթայանը: