Թուրքիան կարող է փակել Սիրիայի հետ սահմանը ՌԴ–ի պահանջով. Известия

Ռուսաստանցի դիվանագետները եւ զինվորականները իրենց թուրք գործընկերների հետ բանակցությունների ժամանակ պահանջել են փակել թուրք–սիրիական սահմանը: Այդ մասին գրում է Известия–ն՝ վկայակոչելով ռուս պատգամավորներին և իր աղբյուրները։

«Մենք, բնականաբար, բարձրացրել ենք թուրք–սիրիական սահմանը փակելու հարցը, որպեսզի կանգնեցնենք ահաբեկիչների եւ զենքի հոսքը»,– ասել է Պետդումայի պաշտպանական հանձանժողովի փոխնախագահ Վիկտոր Վոդոլացկին։

Ըստ պատգամավորի` դա ուղիղ կապ ունի հենց Ռուսաստանի ազգային անվտանգության ապահովման հետ:

«Մեր կողմից մենք կարող ենք թուրքական կողմին ներկայացնել այն վայրերի արբանյակային լուսանկարները, որոնցով տեղի է ունենում գրոհայինների եւ զենքի հոսքը»,– ասել է նա։

Известия-ի տեղեկություններով՝ թուրքական կողմն արդեն դիտարկում է Սիրիայի հետ սահմանը փակելու հնարավորությունը։