Թուրքիայի վարչապետն արտասվել է թոռան հարցից

Թուրքիայի «զգացմունքային» վարչապետ Բինալը Յըլդըրըմն այս անգամ հանդես է եկել չափազանց «զգայուն» կերպարով. այս անգամ էլ նա արտասվել է ուղիղ եթերում՝ ռազմական հեղաշրջման մասին խոսելիս:

Ըստ Ensonhaber-ի՝  թոռան՝ իրեն ուղղված հարցը մեջբերելով, թե «պապիկ, նրանք մեր զինվորները չե՞ն, ինչո՞ւ են մարդկանց սպանում», Յըլդըրըմը չի կարողացել զսպել արցունքներն ու արտասվել է:

Ջուր խմելուց և անմիջապես կազդուրվելուց և  «մի կերպ ուշքի գալուց հետո» Թուրքիայի վարչապետը հավաքել է իրեն և  որոշել՝ հենց ուղիղ եթերում պատասխանել թոռանը:

«Ես չկարողացա նրա հարցին պատասխանել, բայց այնպիսի պատասխան ենք տալու, որ ամբողջ աշխարհն է դրան ականատես լինելու»,-խիստ տոնով ասել է Յըլդըրըմը: