«Երիտասարդ Գործարարների Համահայկական Առաջին Ֆորումին» կմասնակցի շուրջ 100 երիտասարդ գործարար

«Երիտասարդ Գործարարների Համահայկական Առաջին Ֆորումը» տեղի կունենա հուլիսի 15-17-ը Երևանում, որին մասնակցելու են շուրջ 100 երիտասարդ գործարարներ Հա­յաս­տանից, Արցախից և սփյուռքից: 

«Հայաստանի երիտասարդ գործատուների միությունը» ՀՀ սփյուռքի և արտաքին գոր­ծե­րի նախարարությունների աջակցությամբ կազմակերպում է  «Երիտասարդ գործա­րար­նե­րի համահայկական ֆորում», որը տեղի կունենա  հուլիսի 15-17-ը «Անի Պլազա» հյու­­րա­նո­ց­ում:

Բացման արարողությունը տեղի կունենա հուլիսի 15-ին ժամը 10:00-ին, որտեղ ներկա կլինի ՀՀ վար­չա­­պետ Հովիկ Աբրահամյանը, սփյուռքի նախարար Հրանուշ Հա­կոբյանը, էկո­նո­մի­կայի նա­խա­­­րար Արծվիկ Մինասյանը, արտաքին գործերի նախարարի տեղակալ Ռոբերտ Հա­րութ­յուն­­յանը: Ներկա կլինեն նաև պատվիրակություններ սփյուռքի հայ համայնքներից և հայկական կառույցներից, ՀՀ-ում հա­վա­տարմագրված դեսպանությունների և միջազգային կա­ռույցների ներ­կայա­ցուցիչ­ներ, բիզնես ասոցիացիաների, հասարակական կազմա­կեր­պութ­­­յունների ղեկավարներ և այլ հյուրեր:

Ֆորումի նպատակն է համախմբել Հայաստանի, Արցախի և սփյուռքի հայ երիտասարդ գոր­ծարարներին, ստեղծել նոր գործընկերների ձեռքբերման, փորձի փոխանակման և հա­մա­տեղ բիզնես ծրագրերի իրականացման յուրօրինակ հարթակ: Ֆո­րու­մին կմասնակցեն շուրջ 100 երիտասարդ գործարարներ, որոնցից 30-ը արտասահմանյան երկրներից:

Ֆորումի պաշտոնական կայք՝ http://www.panarmenianforum.com/