ՊՆ-ն լրագրողների համար դասընթաց է կազմակերպում

ՀՀ ՊՆ մարդու իրավունքների և բարեվարքության կենտրոնը՝ ԵԱՀԿ երևանյան գրասենյակի օժանդակությամբ և ԵՊՀ Սոցիոլոգիայի ֆակուլտետի պրոֆեսորադասախոսական կազմի մասնակցությամբ կազմակերպում է «Զինվորական-քաղաքացիական հարաբերություններ և զինված ուժերի քաղաքացիական վերահսկողության հարցեր» խորագրով դասընթաց` ոլորտով հետաքրքրված լրագրողների համար։

Մեկ ամիս տևողությամբ դասընթացը կմեկնարկի 2016թ. հուլիսին (շաբաթական երկու հանդիպում` 4 ակադեմիական ժամ յուրաքանչյուրը): Դասընթացի ավարտին լավագույն մասնակիցներին շնորհվելու է հավաստագիր ՀՀ ՊՆ և ԵԱՀԿ երևանյան գրասենյակի կողմից: Դասընթացն անվճար է: Մասնակցության համար անհրաժեշտ է մինչև ս.թ. հունիսի 30-ը ուղարկել ինքնակենսագրություն և կոնտակտային տվյալները [email protected] և [email protected], էլեկտրոնային հասցեներին:

Դասընթացն անցկացվելու է հետևյալ թեմաներով.

• ժամանակակից բանակների գործառնական փոխակերպումները,
• արդի հասարակություններում բանակի և զինծառայության ընկալման առանձնահատկությունները,
• զինվորաքաղաքացիական հարաբերությունների տեսական հիմնահարցերը,
• բանակ-հասարակություն հարաբերություններում առկա խնդիրներն ու դրանց լուծման փորձը,
• զինված ուժերի քաղաքացիական-ժողովրդավարական վերահսկողության հարցերում ԶԼՄ-ների դերը
• բանակի և զինծառայողների կերպարը հասարակական ընկալումներում և ԶԼՄ-ներում,
• զինված հակամարտությունների լուսաբանման հիմնախնդիրները,
• զինծառայության հետ կապված սոցիալ-հոգեբանական հիմնահարցերը,
• Տեղեկատվական ազատությունն ու տեղեկատվական անվտանգությունը պաշտպանական ոլորտում: