Շոգ եղանակ դեռևս չի կանխատեսվում. Գագիկ Սուրենյան

Այսօր հյուսիս-արևմուտքից կներթափանցեն ցուրտ օդային հոսանքներ, ինչի արդյունքում օդի ջերմաստիճանը կնվազի մոտ 5-7 աստիճանով: Այսօրվանից մինչև հունիսի 21-ը հանրապետության տարածքում գործելու է միջերկրածովյան ցիկլոնը: Այն հատկապես ակտիվ կլինի այսօր և վաղը, արդյունքում` գրեթե բոլոր մարզերում ժամանակ առ ժամանակ սպասվում է անձրև և ամպրոպ:

ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանի խոսքով` անձրևները հատկապես ինտենսիվ կլինեն Շիրակում, Արմավիրում, Արարատում, Գեղարքունիքում, Վայոց ձորում: Ջերմաստիճանը կբարձրանա 2-3 աստիճանով հունիսի 18-20-ին,  սակայն շոգ եղանակ դեռևս չի կանխատեսվում: