Կբարեկարգվեն Վարդահովիտ համայնքի ճանապարհները

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց որոշում, որի անհրաժեշտությունը պայմանավորված է ՀՀ Վայոց ձորի մարզի Վարդահովիտ համայնքի ներհամայնքային ճանապարհների բարեկարգման աշխատանքների լիարժեք իրականացմամբ:

Գոյություն ունեցող ճանապարհային ծածկը իրականացված է ավազակոպճային բնահողից և գտնվում է ոչ բավարար վիճակում: Հողային պաստառի լայնական թերությունները չեն համապատասխանում նորմերի պահանջներին, որի հետևանքով անձրևաջրերը մնում են ճանապարհային պատվածքի վրա:

Անհրաժեշտ է ավազակոպճային խառնուրդով նորոգել Վարդահովիտ համայնքի ներհամայնքային ճանապարհների երթևեկելի մասը, վերականգնել կողային առուները, տեղադրել մետաղական նոր խողովակներ` ջրահեռացումը ապահովելու համար:

Նախատեսվում է իրականացնել հողային պաստառի ուղղում և հարթեցում, ավազակոպճային մանգաղաձև ծածկի իրականացում, ջրահեռացման համակարգի վերականգնում, ճանապարհի կահավորում (իջատեղեր, մուտքեր):