Վաղը կկրճատվի ևս 3-4 փոխնախարար. Հովիկ Աբրահամյան

Այսօր ԱԺ հերթական քառօրյա նիստում կառավարության հետ հարցուպատասխանի ժամանակ ՀԱԿ խմբակցության ղեկավար Լևոն Զուրաբյանը հարց ուղղեց ոչ կառավարական կազմակերպություններին պետական բյուջեից գումար տրամադրելու մասին` ասելով, որ մոտ երկու միլիոն դոլար գումար ուղղված է եղել բավական անհասկանալի նպատակների, մինչդեռ` այդ գումարը կարելի էր ուղղել պաշտպանության ոլորտն ամրացնելուն:

Հարցին պատասխանեց վարչապետ Հովիկ Աբրահամյանը` ասելով, որ պետբյուջեի միջոցների ծախսման վրա խիստ վերահսկողություն է սահմանվել, և դա երևի պետք է շուտ սկսեին:

«Ուղղակի չպետք է ակնկալել, որ մեկ հարվածով պետք է այդ հարցը լուծվի, դրա համար ժամանակ և ռեսուրսներ են անհրաժեշտ, և այդ աշխատանքները քայլ առ քայլ իրականացնում ենք: Նախարարություններում սկսվել են կրճատումներ` սկսած փոխնախարարների մակարդակից: Էկոնոմիկայի մեկ փոխնախարարի պաշտոն արդեն կրճատել ենք, վաղը կրճատելու ենք ևս երեք-չորս փոխնախարար, և այդ գործընթացը շարունակվելու է, որ ամեն դրամը ծախսվի արդյունավետ»,- ասաց վարչապետը: