Օգնության բյուջեն կկրճատվի

Ճապոնիայի կառավարությունը որոշել է կրճատել զարգացող երկրներին ամեն տարի տրվող ֆինանսական օգնության չափերը, քանի որ երկիրը վնասներ է կրել ցունամիի, երկրաշարժի եւ ատոմակայանի վթարի հետեւանքով:

Ինչպես հաղորդում է Gazeta.ru-ն, Տոկիոն պետական օգնության բյուջեն կրճատելու է 610 միլիոն դոլարով եւ այդ գումարն ուղղելու է երկրում կատարվող վերականգնողական աշխատանքներին: Նախապես պլանավորված էր, որ այս տարվա ընթացքում պետական օգնության բյուջեն լինելու է 7 միլիարդ դոլար:

Ճապոնիայի արտգործնախարար Տակեակի Մացումոտոն ուրբաթ օրը հայտարարել է, որ ցավում են` նման կրճատումների համար, սակայն այժմ Ճապոնիան, իր խոսքերով, «անելանելի վիճակում է»: