Բելգիան «Ալ Քաիդա»-ի ահաբեկչին մոտ 80 հազար եվրո է վճարել

Բելգիական պետությունը, կատարելով Մարդու իրավունքների եվրոպական դատարանի վճիռը, մոտ 80 հազար եվրո է վճարել «Ալ Քաիդա»-ի անդամ` թունիսցի Նիզար Թրաբելսիին` որպես բարոյական փոխհատուցում. ըստ РИА Новости-ի`հայտնում են Sudpresse մեդիա խմբի ԶԼՄ-ները:

2001-ին Թրաբելսին Ուսամա բեն Լադենի հետ հանդիպումից հետո ծրագրել էր ահաբեկչություն իրականացնել Բելգիայում գտնվող` ՆԱՏՕ-ի ռազմակայանում: Բելգիայում 10 տարի ազատազրկելուց հետո 2013-ին նրան արտահանձնել էին ԱՄՆ-ին, որտեղ էլ նա դատապարտվել էր ցմահ բանտարկության` ամերիկյան զինծառայողների դեմ մահափորձ իրականացնելու և ահաբեկչական կազմակերպությանը աջակցելու մեղադրանքով:

Եվրոպական դատարանը 2014-ին Բելգիային պարտավորեցրել է 90 հազար եվրո վճարել Թրաբելսիին, քանի որ նրան ԱՄՆ-ին արտահանձնելը համարել է «ոչ մարդկային վերաբերմունք:» Ի դեպ, բելգիական իշխանությունները թունիսցուն հանձնել էին ԱՄՆ-ին` պայմանով, որ նրան ռազմական դատարանը չի դատի, և նա չի դատապարտվի մահվան, որը վերցվել է ԵՄ-ում:

Գումարը փոխանցվել է Թրաբելսիի` Բելգիայում բնակվող ընտանիքին: