Ադամ Շիֆը մասնակցել է Հայոց ցեղասպանության պահանջատիրական երթին

Ամերիկացի կոնգրեսական Ադամ Շիֆը մասնակցել է ԱՄՆ-ում կայացած պահանջատիրական երթին` ի հիշատակ Հայոց ցեղասպանության անմեղ զոհերի: Նա ցույցի ընթացքում արած սելֆին տեղադրել է Twitter-յան իր միկրոբլոգում և գրել. «Մենք երբեք չենք մոռանա 1915 թվականին կոտորված 1.5 միլիոն տղամարդկանց, կանանց և երեխաներին: Երբեք չմոռանաք 1915 թվականը»:

Մինչ երթին մասնակցելը` ամերիկացի կոնգրեսականն իր էջում կոչ էր արել հետևել Հայոց ցեղասպանության վերաբերյալ հոդվածներին` նշելով. «Նրանց վերքերը, որոնք նաև մերն են, դեռևս բաց են»:

Հիշեցնենք, որ Շիֆը օրեր առաջ կոչ էր արել նախագահ Օբամային` օգտվել իր վերջին հնարավորությունից և ճանաչել Հայոց ցեղասպանությունը: