Քրդամետ ղեկավարին դատի են տվել Ղարաբաղի ինքնիշխանությունը ճանաչելու համար

Թուրքիայի Գիրեսուն նահանգի համանուն համալսարանի` ադրբեջանական ծագումով ռեկտոր Այգյուն Աթթարը թուրք իրավաբան Ալի Չելիքայայի հետ համատեղ դատական հայց է ներկայացրել քրդամետ Ժողովուրդների դեմոկրատական կուսակցության նախագահ Սելահաթթին Դեմիրթաշի դեմ Ղարաբաղի մասին վերջին հայտարարությունների պատճառով:

Ըստ Sayfahaber-ի՝ Դեմիրթաշին մեղադրում են Թուրքիայի քրեական օրենսգրքի 216-րդ և 304-րդ հոդվածները խախտելու՝ «ժողովրդի մեջ ատելություն և թշնամանք սերմանելու» և «պետության դեմ պատերազմ հրահրելու» մեջ:

Հայցի մեջ նաև նշվել է Դեմիրթաշի՝ ղարաբաղյան վերջին իրադարձությունների մասին հայտարարությունները, թե «Լեռնային Ղարաբաղն ինքնավար հանրապետություն է»:

Դեմիրթաշի դեմ դատական հայց ներկայացնլու դրդապատճառ են դարձել նաև Սիրիայում ռուսական կործանիչի խոցման և Քոբանիի դեպքերի վերաբերյալ մի շարք հայտարարություններ: