Պետք է զորքերը վերադարձնել մինչեւ 2016թ. ապրիլի 1-ը եղած դիրքերը. ԵԺԿ

Պետք է քայլեր ձեռնարկել` ռազմական գործողությունները դադարեցնելու ուղղությամբ եւ զորքերը վերադարձնել մինչեւ 2016թ. ապրիլի 1-ը եղած դիրքերը: Նման հայտարարությամբ է հանդես եկել  Եվրոպայի ժողովրդական կուսակցությունը` անդրադառնալով շփման գծում վերջին օրերի իրադարձություններին:

«Խորապես անհանգստացած ենք Լեռնային Ղարաբաղի եւ Ադրբեջանի շփման գծից ստացվող վերջին մտահոգիչ նորությունների առնչությամբ: Անընդունելի է` մերժել միջազգային կոչերը հակամարտությունը խաղաղ ճանապարհով լուծելու համար, հատկապես երբ այս ռազմական արկածախնդրության զոհ են դառնում անմեղ քաղաքացիները, այդ թվում՝ երեխաներ»,- ասված է ԵԺԿ-ի հայտարարության մեջ: