Գերմանիայում հարձակվել են թուրքական մթերային խանութի ու առևտրի կենտրոնի վրա

Գերմանիայի Հեիլբրոն քաղաքում հարձակում է տեղի ունեցել թուրքերին պատկանող ավիատոմսերի վաճառակետի վրա: Թուրքական Aksam պարբերականի հաղորդմամբ՝ հարձակում իրականացրած` դեռևս անհայտ անձը կամ անձինք նետել են «մոլոտովյան կոկտեյլներ», ինչի հետևանքով հրդեհ է բռնկվել, որը տարածվել է նաև դեպի հարակից մթերային խանութ և «Topkar Center» առևտրի կենտրոն: Դրանց նույնպես պատկանում են թուրքերի. տեղեկացնում է Ermenihaber-ը:

Հեիլբրոնի ոստիկանությունը, հայտարարություն անելով վերոնշյալի կապակցությամբ, հայտնել  է, որ թուրք սեփականատերերին հասցվել է 2 մլն եվրոյի վնաս:

Կատարված հարձակումը խստորեն դատապարտել է Շտուտգարդում Թուրքիայի գլխավոր հյուպատոս Ահմեդ Աքընթըն: «Հուսով ենք, որ նմանատիպ հարձակումները կանխելու համար  կարճ ժամանակահատվածում կձեռնարկվեն բոլոր անհրաժեշտ միջոցները»,- ասել է բա: