«Բագեզյան» ընկերությանը տրվեց թույլտվություն՝ գործելու «Մերիդիան» ազատ տնտեսական գոտում

Այսօր կառավարության նիստում էկոնոմիկայի նախարար Արծվիկ Մինասյանը ներկայացրեց որոշում «Բագեզյան» ՍՊԸ –ին  «Մերիդիան» ազատ տնտեսական գոտու շահագործողի թույլտվություն տրամադրելու մասին: «Բագեզյան» ընկերությունը առաջարկում է 9 տարվա ընթացքում ներդրումների ծավալը հասցնել 68 միլիոն 500 հազար դոլարի` մոտակա 5 տարիների ընթացքում ստեղծելով առնվազն 70 նոր աշխատատեղ՝ 250-ից մինչև 500 դոլարին համարժեք աշխատավարձով: Ընկերությունն առաջարկում է ընդլայնել արտահանումը հիմնականում ՌԴ, ԵՏՄ երկրներ, ԱՄՆ, Կանադա, ԵՄ երկրներ, Հոնկոնգ և այլ երկրներ` 3 տարվա ընթացքում արտահանման հասցնելով ծավալը մինչև 9 միլիոն 500 հազար դոլարի:

Նախարարը նշեց, որ այս պահի դրությամբ երկու ազատ տնտեսական գոտիներում գրանցված է 10 կազմակերպություն, որոնց ներդրումների ծավալը 101,2 միլիոն դոլար է կազմելու, ու ստեղծվելու է 400 աշխատատեղ: