Սպանություն, թե՞ ինքնասպանություն. 38-ամյա կնոջ պարանոցին պարան է եղել, իսկ գլուխն էլ` տոպրակով փակված

Ինչպես արդեն տեղեկացրել էինք, մարտի 20-ին, ժամը  15.45-ին ահազանգ է ստացվել, որ Երևանի Օրբելի փողոցի թիվ 6 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:

Դեպքի վայր են մեկնել ՀՆՓԱԻԿ փրկարարական ջոկատը և ՃԿԱԿ օպերատիվ խումբը:

Փրկարարները մուտք են գործել բնակարան և նախասրահի հատակին հայտնաբերել 1978 թ. ծնված Լ. Ք.-ի դին:

Ինչպես հայտնում է Shamshyan.com-ը,  մահացածի պարանոցին  պարան է եղել, իսկ գլուխն էլ` տոպրակով փակված:  Ըստ նախնական տեղեկությունների` մահացածը 38-ամյա Լիկա Քերոփյանն էր և դեպքի մասին ահազանգել է նրա մայրը` 77-ամյա Լորետա Քերոփյանը: Տեղի ունեցածը ինքնասպանություն է, թե սպանություն` կպարզվի Արաբկիրի քննչական բաժնում կատարվող քննության ընթացքում: