Գնահատում եմ Օսկանյանի անցած քաղաքական ճանապարհը. Արմեն Ռուստամյան

ՀՅԴ խմբակցության ղեկավար Արմեն Ռուստամյանի կարծիքով` մեր քաղաքական դաշտը բավականին հագեցած է, բայց, ամեն դեպքում, նա գնահատում է Վարդան Օսկանյանի անցած քաղաքական ճանապարհը և հաջողություն մաղթում նրան կուսակցություն ստեղծելու գործում: 

«Երբ նոր քաղաքական ուժ է ստեղծվում, առաջին զգացումն այն է լինում, որ ուզում եմ հաջողություն մաղթել: Ես կարծում եմ, որ մեր քաղաքական դաշտ հագեցած է քաղաքական գործիչներով, բայց ես գնահատում եմ պարոն Օսկանյանի անցած ճանապարհը: Նա իսկապես փորձառու քաղաքական գործիչ է և իր հիմնադրամով բավական լուրջ գործունեություն է ծավալում արդեն: Եթե ուզում է այլ ճանապարհով դրսևորվել, ես նրան միայն հաջողություն կարող եմ մաղթել, և ցանկացած ողջամիտ, տրամաբանական բանավեճ, օգտակար եմ համարում»,- ասաց նա լրագրողների հետ զրույցում: