Ես ընդհանրապես PR-ով չեմ զբաղվում. Լևոն Մկրտչյան

Այսօր լրագրողների հետ զրույցում ԿԳ նախարար Լևոն Մկրտչյանը, անդրադառնալով նախկին նախարար Արմեն Աշոտյանի թանկարժեք մեքենայից հրաժարվելու փաստին, որը ոմանք  որակել էին որպես չստացված PR, ասաց, որ ինքը PR-ով չի զբաղվում:

«Ես ընդհանրապես PR-ով չեմ զբաղվում, եւ դրա համար չէ, որ այստեղ եկել եմ. ինչ անում եմ` կրթական ոլորտին է վերաբերում»,- նշեց  նախարարը:

Նա խնդրեց, որ լրագրողներն ավելի շատ կրթական խնդիրներին վերաբերող հարցեր տան և հավելեց, որ առաջիկայում մամուլի ասուլիս կհրավիրի, իսկ մինչ այդ ամեն շաբաթ կշրջի որևէ` պատահական ընտրված դպրոցում, կհետաքրքրվի, թե ինչ պրոբլեմներ ունեն ուսուցիչները, աշակերտները, ինչպես են ապրում մարզերի դպրոցները, որից հետո պարզ կդառնա, թե  ինչպես կարող են կարգավորել խնդիրները: