ՏԵՍԱՆՅՈՒԹ․ Չեմ կարող ասել, որ դա ինձ համար ընդհանրապես անակնկալ է․ Ուլիխանյանը՝ ՊՎԾ պետ նշանակվելու մասին

Չեմ կարող ասել, որ դա ինձ համար ընդհանրապես անակնկալ է՝ ըստ Yerkir.am-ի հայտարարեց «Իմ քայլը» խմբակցության պատգամավոր Տիգրան Ուլիխանյանը ԱԺ-ում՝ մեկնաբանելով լուրերը, թե ինքը նշանակվելու է Պետական վերահսկողության ծառայության պետ:

«Իմ քննարկումները բարձրաստիճան պաշտոնյաների հետ, դրանք մասնավոր խոսակցություններ են և այս պահին էլ չեն լուսաբանվի: Կարծում եմ՝ չպետք է լիներ ակնկալիք, որ վարչապետի հետ իմ հանդիպումների վերաբերյալ ես այսօր կբարձրաձայնեի»,-ասաց նա՝ պատասխանելով հարցին, թե արդյո՞ք այդ խնդրի շուրջ քննարկումներ եղել են։

«Ես այս պահին ԱԺ պատգամավոր եմ, եւ ինչ էլ լինի Հայաստանին ծառայելու հետ կապված, լինելու է հրապարակային»,-հայտարարեց Ուլիխանյանը։

Հիշեցնենք, որ ՊՎԾ պետի պաշտոնը զբաղեցնում է Դավիթ Սանասարյանը։ Նրա լիազորությունները սառեցվել են հարուցված քրեական գործի քննությամբ պայմանավորված:

Մանրամասն՝ տեսանյութում․