Խոդորկովսկու նկատմամբ միջազգային հետախուզում չի հայտարարվել. Ինտերպոլը հերքում է

Ինտերպոլի ներկայացուցիչը հերքել է մինչ այդ ՌԴ ՔԿ կողմից տարածված այն տեղեկատվությունը, թե միջազգային հետախուզում է հայտարարվել «ՅՈւԿՕՍ» նավթային ընկերության նախկին ղեկավար Միխայիլ Խոդորկովսկու նկատմամբ:

«Ինտերպոլի գլխավոր քարտուղարությունը կարող է հաստատել, որ հետախուզոմ հայտարարելու մասին կարմիր նախազգուշացում չի եղել»,- հայտարարել են Ինտերպոլում:

Նշվում է, որ կառույցի ռուսաստանյան ներկայացուցչությունը նկատողություն է ստացել, քանի որ խախտել է Ինտերպոլի կանոնադրությունը` Խոդորկովսկու հետախուզման մասին տեղեկատվություն ուղարկելով բոլոր անդամ-երկրներին:

Հիշեցնենք, որ Խոդորկովսկին  կասկածվում է Նեֆտեյուգանսկի քաղաքապետի սպանությունը պատվիրելու մեջ, որը տեղի էր ունեցել 1998-ին: Ավելի վաղ Միխայիլ Խոդորկովսկու վերաբերյալ, ով ներկայումս Մեծ Բրիտանիայում է, դատարանը  ձերբակալության որոշում էր կայացրել: