Ռուսական կողմը հերքում է հայկական լոլիկի հետ վերադարձման մասին լուրը

ՌԴ անասնաբուժության և բուսասանիտարիայի հսկողության դաշնային ծառայության Կրասնոդարի երկրամասի և Ադիգեյայի Հանրապետության տարածքային կառույցը երեկ տեղեկություն էր տարածել, թե արգելվել է Հայաստանից 22 տոննա լոլիկի ներմուծումը, և խմբաքանակը հետ է վերադարձվել՝ պայմանավորված լոլիկի մեջ կարանտին վնասատուի՝ հարավամերիկյան ցեցի հայտնաբերմամբ:

Լուրը տարածվեց նաև հայկական լրատվամիջոցներում, թեև հայկական կողմը լոլիկի խմբաքանակի վերադարձման դեպք չէր արձանագրել:

Ավելի ուշ ռուսական նույն ծառայությունն իր պաշտոնական կայքում (http://www.rsn.krasnodar.ru/novosti/novosti2/6960/?articleName=upravlenie-prinosit-izvinenija) հերքեց այս լուրը՝ ներողություն հայցելով թյուր տեղեկատվության համար և նշելով, որ կասկածներ կան լոլիկի նշված խմբաքանակն այլ երկրից ուղարկված լինելու մասին:

Ներկա պահին իրականացվում է փաստաթղթերի հավաստիության ստուգում:

ՍԱՊԾ