ԱՄՆ-ի պատասխանն Էրդողանին չուշացավ

ԱՄՆ ԱԳՆ փոխխոսնակ Մարկ Թոները պատասխանել է Թուրքիայի նախագահ Ռեջեփ Թայիփ Էրդողանին, ով կոչ էր արել  ԱՄՆ պաշտոնյաներին՝ ընտրություն կատարել` Թուրքիայի հե՞տ են, թե՞ իրենց կողմից ահաբեկչական համարվող Սիրիայի քրդական կուսակցության:

Ըստ Demokrathaber-ի՝ Թոները հայտնել է, որ իրենք քուրդ զինյալների վերաբերյալ Էրդողանի հետ համամիտ չեն:  

«Մենք այդ կարծիքին չենք: PYD-ն անգամ արդյունավետ ուժ է ԻՊ-ի դեմ պայքարում»,- հայտարարել է նա՝ նշելով, որ ԱՄՆ-ը հասկանում է Թուրքիայի անհանգստությունը, այնուհանդերձ, իրենք PYD-ի և ԻՊ-ի միջև ոչ մի կապ չեն տեսնում:

Հիշեցնենք, որ Էրդողանը կոշտ հայտարարությամբ էր հանդես եկել: Նա կոչ էր արել ԱՄՆ-ին՝ ընտրություն կատարել՝ Թուրքիայի՞ հետ են, թե՞ ահաբեկչական կազմակերպության: